भविष्यात मुंबईतील मुलांना खेळण्यासाठी तसेच ज्येष्ठ नागरिकांना फिरण्यासाठी मैदाने आणि मोकळ्या जागा उपलब्ध राहाव्यात, ही मैदाने बिल्डरांच्या घशात जाऊ नयेत, या उद्देशाने महाराष्ट्र नवनिर्माण सेनेच्या चेंबूर विभागाचे अध्यक्ष माऊली थोरवे यांच्या नेतृत्वाखाली बीएमसीच्या एम-वेस्ट वॉर्ड कार्यालयाबाहेर अनोखे आंदोलन करण्यात आले.
मनसे कार्यकर्त्यांनी बीएमसी एम-वेस्ट वॉर्ड कार्यालयाच्या परिसरात क्रिकेट खेळून मैदान आणि मोकळ्या जागा वाचवण्याचा संदेश दिला. मैदानांचे संरक्षण करण्यात यावे आणि भविष्यातील पिढ्यांसाठी मोकळ्या जागा राखून ठेवाव्यात, अशी मागणी यावेळी करण्यात आली.
