चेंबूरमधील सदिच्छा मित्र मंडळाच्या वतीने यंदाही गणेशोत्सव मोठ्या उत्साहात साजरा करण्यात आला. मंडळात गणपती बाप्पांच्या दर्शनासह श्री सत्यनारायण भगवान पूजेचे आयोजन करण्यात आले होते.
यावेळी नगरसेविका आशा मराठे यांनी आपले पती सुभाष मराठे आणि टीमसह बाप्पांचे दर्शन घेतले. यावेळी बोलताना आशा मराठे म्हणाल्या की, “सदिच्छा मित्र मंडळ हे आमचं एक कुटुंब आहे. आम्ही सर्वजण एकत्रितपणे एक परिवार म्हणून गणेशोत्सव साजरा करतो.
मागील अनेक वर्षांपासून मंडळाच्या वतीने गणेशोत्सव साजरा केला जात असून, दरवर्षी भक्तांसाठी नावीन्यपूर्ण देखावे साकारले जातात. या देखाव्यांचे नियोजन मंडळाकडून आधीपासूनच केले जाते, अशी माहिती यावेळी आयोजकांकडून देण्यात आली.
चेंबूर स्टेशनजवळच मंडळाचा गणपती असल्याने दर्शनासाठी दरवर्षी मोठ्या संख्येने भाविक येतात. यंदाही गणरायाच्या दर्शनासाठी भाविकांची गर्दी सुरू असल्याचेही आयोजकांनी सांगितले.
