राष्ट्रवादी काँग्रेस पक्ष (अजित पवार गट) मजबूत करण्यासाठी संघटनात्मक पातळीवर उल्लेखनीय कामगिरी करणारे बेलापूर तालुका युवा अध्यक्ष किरण कारंडे यांनी पक्षासोबत तब्बल ५०० नवीन सदस्य तसेच ५० क्रियाशील सदस्य जोडून पक्ष संघटनेला मोठी ताकद मिळवून दिली आहे.
या उल्लेखनीय कामगिरीची दखल घेत उपमुख्यमंत्री अजित पवार यांच्या पत्नी सुनेत्रा पवार यांच्या हस्ते किरण कारंडे यांचा सत्कार करण्यात आला. या सन्मानामुळे कार्यकर्त्यांमध्ये उत्साहाचे वातावरण निर्माण झाले आहे.
यावेळी प्रतिक्रिया देताना युवा नेते किरण कारंडे यांनी सांगितले की, “पक्ष संघटना अधिक मजबूत करण्यासाठी, जास्तीत जास्त युवकांना पक्षाशी जोडण्यासाठी आणि नागरिकांचे प्रश्न सोडवण्यासाठी आम्ही सर्वोतोपरी प्रयत्न करणार आहोत.”
बेलापूर तालुक्यात राष्ट्रवादी काँग्रेसची संघटनात्मक बांधणी मजबूत करण्यासाठी किरण कारंडे यांनी सुरू केलेल्या सदस्य नोंदणी मोहिमेला चांगला प्रतिसाद मिळत असल्याचे बोलले जात आहे. आगामी काळात पक्षवाढीसोबतच जनतेच्या प्रश्नांवरही अधिक प्रभावीपणे काम करण्याचा निर्धार त्यांनी व्यक्त केला.
