मुंबईतील वानखेडे स्टेडियम येथे आकाश टायगर्स मुंबई वेस्टर्न सबर्ब्स संघाच्या नव्या जर्सीचे भव्य अनावरण करण्यात आले. आगामी टी-20 मुंबई लीगच्या पार्श्वभूमीवर आयोजित या सोहळ्याला क्रिकेटप्रेमी आणि मान्यवरांची उपस्थिती लाभली.
यावेळी संघाचे आयकॉनिक खेळाडू आणि पुरुष संघाचे कर्णधार सरफराज खान, महिला संघाची कर्णधार हुमैरा काझी, मेंटॉर प्रवीण आमरे तसेच लाया फ्रान्सिस उपस्थित होते. टीमचे मालक राम जरोडिया आणि आदिती आकाश जरोडिया यांनीही या सोहळ्यात सहभाग घेतला.
कार्यक्रमादरम्यान संघाच्या नव्या जर्सीचे अनावरण करण्यात आले. तसेच आगामी टी-20 मुंबई लीगमध्ये आकाश टायगर्स दमदार कामगिरी करतील, असा विश्वास यावेळी व्यक्त करण्यात आला. पुरुष संघ सोमवारी एमएससी मराठा रॉयल्सविरुद्ध तर महिला संघ बुधवारी सोबो मुंबई फाल्कन्सविरुद्ध आपल्या मोहिमेला सुरुवात करणार आहे.
युवा खेळाडूंना व्यासपीठ उपलब्ध करून देणे आणि क्रिकेटमधील नव्या प्रतिभांना प्रोत्साहन देणे हेच संघाचे ध्येय असल्याचे यावेळी सांगण्यात आले. उपस्थित मान्यवरांनी संपूर्ण संघाला आगामी स्पर्धेसाठी शुभेच्छा देत विजयासाठी शुभेच्छा व्यक्त केल्या.
