आज वाशी येथे मकरंद अनासपुरे यांचे "अनुभवाचे बोल" विषयावर मार्गदर्शन
नवी मुंबई - नाम फाऊंडेशनचे संस्थापक तथा सुप्रसिद्ध अभिनेते मकरंद अनासपुरे हे "अनुभवाचे बोल" या विषयावर वाशी येथे महाशिवरात्रीच्या कार्यक्रमानिमित्त
मार्गदर्शन करणार आहेत. श्री सोमेश्वर शिवमंदीर चॅरिटेबल ट्रस्टच्या वतीने वाशीतील एम.जी. कॉम्प्लेक्स येथे महाशिवरात्रीच्या कार्यक्रमाचे आयोजन करण्यात आले आहे, अशी माहिती माजी नगरसेवक प्रकाश (भाऊ) मोरे यांनी दिली.
या कार्यक्रमामध्ये शिवरुद्रयाग यज्ञ आणि महाप्रसादाचे (भंडारा), गायत्री पाठ, जनजागृती भारूड मंडळ, भारूडसम्राट गोविंद महाराज गायकवाड हे विनोदातून समाज प्रबोधन करणारे भारूड सादर करण्यात येणार आहे. तसेच महिलांसाठी हळदी समारंभ होणार आहे. २५ फेब्रवारी या दिवशी सायंकाळी ६ वाजता अभिनेते मकरंद अनासपुरे हे "अनुभवाचे बोल" या विषयावर व्याख्यान देणार आहे.
२६ फेब्रुवारी या दिवशी सकाळी ५ वाजता शिवलिंग महाभिषेक सोहळा, शिवरूद्रयाग यज्ञ आणि दर्शन सोहळा, सकाळी ९ ते २ वाजेपर्यंत महाआरोग्य शिबीर व रक्तदान शिबीर, सायंकाळी ६ वाजल्यापासून महाप्रसाद (भंडारा) होणार आहे. या कार्यक्रमाला वन मंत्री गणेश नाईक, माजी आमदार संदीप नाईक आदी उपस्थित रहाणार आहेत.
