बृहन्मुंबई महानगरपालिकेच्या स्थापत्य समिती (शहर) सभापती पदासाठी आज (दिनांक १२ मार्च २०२६) झालेल्या निवडणुकीत शिवसेना पक्षाच्या श्रीमती यामिनी यशवंत जाधव यांचा एकमेव उमेदवारी अर्ज प्राप्त झाल्याने त्यांची बिनविरोध निवड झाली. तसेच स्थापत्य समिती (शहर) उप सभापती पदासाठी भारतीय जनता पक्षाचे श्री. अजय किसन पाटील यांचा एकमेव अर्ज आल्याने त्यांची बिनविरोध निवड करण्यात आली.
पीठासीन अधिकारी म्हणून महापौर श्रीमती रितू तावडे यांनी कामकाज पाहिले. यावेळी स्थापत्य समिती (शहर) सदस्यांसह प्रमुख अभियंता (पर्यावरण व वातावरणीय बदल) श्री. प्रदीप गवळी, महानगरपालिका सचिव श्रीमती मंजिरी देशपांडे आदी उपस्थित होते.
