हनुमान जन्मोत्सव:
मुंबईतील पालखी सोहळे, मिरणुका, जत्रोत्सवात मिहिर कोटेचा यांचा सहभाग
●ग्लोबल चक्र न्यूज डेस्क
मुंबई: हनुमान जन्मोत्सवानिमित्त ईशान्य मुंबईत(मुंबई उत्तर पूर्व) आयोजित जत्रोत्सव, पालखी सोहळे, मिरवणुकांमध्ये महायुतीचे उमेदवार मिहिर कोटीचा यांनी आशीर्वाद घेतले. बजरंग बली की जय असा जयघोष करत कोटेचा यांनी भगवान श्रीरामांचे परमभक्त हनुमानजी यांचे आशीर्वाद घेतले.
कोटेचा यांनी दिवसाची सुरुवात मुलुंड पूर्वेकडील हनुमान चौकातील हनुमान मंदिर, रोकडीया हनुमान मंदीरात दर्शन घेत केली. भगवान श्रीरामांचे परमभक्त हनुमानजी यांची विधिवत पूजा करून कोटेचा आपल्या कार्यकर्त्यांसह घाटकोपर येथील देरासर लेन, मानखुर्द, बैगन वाडी येथील जयबजरंग सेवा मंडळाने आयोजित केलेल्या पुजा व महाप्रसाद कार्यक्रमात सहभाग घेतला. संध्याकाळी मुलुंड कॉलनी येथील हनुमान मंदिर ट्रस्टने हनुमान जन्मोत्सवानिमित्त आयोजित केलेल्या महाआरती, मिरवणुकीत कोटेचा सहभागी झाले. त्यानंतर ते मुलुंड पश्चिमेकडील श्री नर्मदादेवी मित्र मंडळाने अंबाजी धाम जवळ आयोजित केलेल्या भव्य जत्रोत्सव, पालखी सोहळ्यात सहभागी झाले.
