राष्ट्रवादी काँग्रेस पक्षाच्या राष्ट्रीय नेतृत्वाने नियुक्त केलेल्या केरळ प्रतिनिधीमंडळाने कोची येथे पक्षाच्या केरळमधील विद्यमान व माजी पदाधिकाऱ्यांशी नुकताच संवाद साधला. यावेळी राष्ट्रवादी काँग्रेस पक्षाचे राष्ट्रीय सरचिटणीस अविनाश आदिक तसेच आमदार झिशान सिद्दीकी, राष्ट्रवादी युवक काँग्रेसचे राष्ट्रीय अध्यक्ष धीरज शर्मा यावेळी उपस्थित होते.
बैठकीत केरळमधील पक्षाच्या सध्याच्या संघटनात्मक परिस्थितीचा आढावा घेण्यात आला. तसेच सदस्य नोंदणी अभियानाला अधिक गती देणे, कार्यकर्त्यांचे संघटन अधिक मजबूत करणे, नव्या नेतृत्वाची जडणघडण करणे आणि राज्यभर जनसंपर्क अधिक प्रभावी करण्याबाबत सखोल चर्चा करण्यात आली.
बैठकीदरम्यान पदाधिकाऱ्यांनी मांडलेल्या सूचना, अनुभव आणि अभिप्राय यांची नोंद घेण्यात आली असून पक्ष संघटना अधिक सक्षम व प्रभावी करण्याच्या दृष्टीने प्राप्त झालेल्या सर्व सूचना आणि शिफारशी राष्ट्रीय नेतृत्वासमोर सादर करण्यात येणार आहेत. केरळमध्ये पक्षाच्या संघटनात्मक विस्ताराला अधिक बळ देण्यासाठी ही बैठक सकारात्मक आणि फलदायी ठरल्याचे सांगण्यात आले.
