136 व्या ख्रिस्ती वधू-वर मेळाव्याचे उदघाटन संपन्न
●संध्या श्रीवास्तव
मुंबई: श्रीधर भोसले यांनी मुंबईतील जीवन दर्शन चर्च मध्ये 27 मे रोजी आयोजित केलेल्या 136 व्या ख्रिस्ती वधू-वर मेळाव्याचे उदघाटन मुंबईतील पत्रकार संरक्षण संघटनेच्या व माहिती अधिकार संघटनेच्या सदस्या प्रीती प्रवीण भोसले यांच्या शुभहस्ते झाले. यावेळी मार्गदर्शक म्हणून विक्रोळी महिला काँग्रेसच्या अध्यक्षा वैशालिताई गावडे, डॉ. नीला अंतोनी पंडित व मुंबईतील इंडियन ऑइल कॉर्पोरेशनचे सिनिअर मॅनेजर बाळासाहेब विष्णू मोकळ उपस्थित होते. मार्गदर्शन करताना सर्वक मान्यवरांनी "मुलाला स्वतःचे घर पाहिजे" ही सातत्याने करत असलेली अपेक्षा मुलींच्या पालकांनी शिथिल करावी, विवाहानंतर नवविवाहितांनी स्वकष्टाने संसारिक प्रगती करावी असेही अवाहन करण्यात आले. मुंबईतील उपनगर, नाशिक व नगर भागातील पालक व विवाहेच्छूक यावेळी उपस्थित होते.
कार्यक्रमाचे सूत्रसंचालन संयोजक श्रीधर भोसले यांनी केले. हा सामाजिक कार्यक्रम यशस्वी होण्यासाठी विल्यम दिवे, सॅम्युएल जाधव, प्रफुल्ल देवकुळे, अनिता सुधीर दिवे इत्यादींनी परिश्रम घेतले.
